Hakha Chin

Laiholh in thawngthanhmi

Brimbank City Council nih nangmah caah riantuanpiaknak a phunphun a pek.

Nangmah kan in bawmh khawhnak ding lam ngaih dingah a tanglei i ‘play’ timi kha hmet.

Laiholh in Brimbank City Council pehtlaih ning

Laiholh in kanmah he pehtlaihnak tuah dingah, 131 450 ah TIS Rampumpi huap Holhlehnak lei Riantuanpiaknak kha chawn. Na chawnhmi leh na si tikah, zaangfahnak in Mirangholh in nan holh kha chim law Brimbank City Council he biaruah dingah 9249 4000 ah hal.

Aman cu mah umnak fon chawnhmi he aa khat ko.

Nihin ah zeibantuk thawngthanhmi dah na kawl?

Serthan khawhmi, Hmunthur le Hlonhmi Khawmhsuatnak

Achin asenmi asilole ahring dummi he hnawmpung pawl cu zarh fatin a lawngin umter an si.

Achin a aihremi hnawmpung pawl cu zarh hnihnak fatin a lawngin umter an si.

Cahmi na ngeih ahcun, achin a hring pahmi he ahring hlonhmi cu zarh hnihnak chiar a lawngin umter a si.

Kanmah pehtlaihnak in ahring hlonhnak hnawmpung cu na cah khawh.

Kum fatin nan inn in a hakmi hlonhmi man lo in khawmhsuatnak cu voikhat a hlankanh in na chimchawnh khawh fawn.

Acunglei bik ah kir than


Ca-ruk pawl

Brimbank ah ca-ruk panga an um - Deer Park, Keilor, St Albans, Sunshine le Sydenham. Brimbank ca-ruk dihlak cu zapi zungkhar ni pawl ah khar an si.

Ca-ruk chungtel sinak cu mibu chungtel dihlak caah manlo a si.

Ca-ruk dihlak nih man lo in hman dingah Wi-Fi le zapi ca chiahmi computer an  ngei dih.

Mirangholh le Laiholh in ca-uk, mekazin le adang rel awk pawl kan ngei hna. Hi pawl cu nangmah nih ihlaan khawh an si asilole ca-ruk ah rel khawh an si.

Ca-ruk online tel khawh na si asilole bawmhnak caah pehtlaihnak hung kan tuah.

Acunglei bik ah kir than


Tangka pekmi pawl

Mah umnak lam, ca-ruk, zaangleeknak tual, pangpar dum le lentecelhnak tual, hmunthur le serthannak lei riantuanpiaknak pawl tibantuk mibu caah a biapimi riantuannak pawl pek dingah Australia a kenkip in a ummi thilri ngeitu pawl dihlak nih an umnak hmun cio i Council sinah tangka an pek.

Tangka pekmi pawl cu tangka kum asilole thlathum voikhat fatin i a thawkka ah pek an si:

  • 30 Zing (September)
  • 30 Sikpar (November)
  • 28 Nohawng (February)
  • 31 Biangreithlep (May)

Tangka na pek dingmi pek nithla ah na pek khawh lo ahcun, aa remmi tangka peknak tawlrel piak dingah zaangfahnak in pehtlaihnak hung kan tuah, asilole Hartonnak lei Soknak fawm kha na phih khawh.

Acunglei bik ah kir than


Innchung zuat satil minkhumh tuahnak – uico le chizawh pawl

Brimbank ah thla 3 nak in a upa deuhmi uico le chizawh dihlak cu hmatthahnak, cinternak le Council ah minkhumhnak tuah hrimhrim ding an si.  Innchung zuat satil minkhumh tuahnak cu upadi nih a herhmi a si.

Na innchung zuat satil avoi khatnak minkhumhnak tuah dingah, hihi na herh lai:

  • Na innchung zuat satil cinternak tuahmi i khawpi
  • Na innchung zuat satil hmatthahnak nambar.

Innchung zuat satil minkhumh tuahnak cu kum fatin 10 Vaupi (April) ah tangka pek hrimhrim ding a si. Tharchuahnak caah tangka pek caan a zat tikah nangmah theihter dingin kum fatin ca kan in kuat lai.

Na uico asilole chizawh minkhumh tuahnak dingah, zaangfahnak in pehtlaihnak hung kan tuah.

Acunglei bik ah kir than


Coronavirus (COVID-19)

Acunglei bik ah kir than


Innpa inn pawl le mibu umnak hmun pawl

Kan mibu hmun pawl, innpa inn pawl le thil dawh serthiamnak hmun pawl ah prokarem aphunphun kan tuah hna i manlo asilole man tlawmte in naa tel khawh.

Kumkhua, sining le thiamnak aphunphun caah cawnpiaknak kan ngei, hihi telhchih in:

  • Thil dawh serthiamnak, kutzungthiamnak le ca-uk pawl
  • Rawlchuannak
  • Computer pawl le chanthar sehlei thiamnak
  • Innchungkhar cawlcanghnak pawl
  • Ngandamnak le takpum dawhnak ca tuahsernak
  • Rian, rian lei thiamnak pawl le tangka
  • Holh, cachimhnak le fimcawnnak
  • Ring-awn le laamnak
  • A bu in cawlcanghnak pawl le kemcelhmi pawl
  • Zohkhenhkhawhmi nunnak

Tamdeuh hmuhnak dingah silole minkhumh tuahnak dingah, zaangfahnak in pehtlaihnak hung kan tuah.

Acunglei bik ah kir than


Innchungkhar pawl le ngakchia no caah riantuanpiaknak pawl

Nu le ngakchia ngandamnak

Na fa i zohkhenhnak le ngandamnak kong thawngthanh le ruahnak cheuhmi cu minkhumhnak aa tuahmi kan siisaya/ma pawl nih an pek. Hi riantuanpiaknak cu achuakka in sianginn a kaimi ngakchia pawl caah manlo a si.

Ngakchiat lio Zawtkhamnak lei siichunhnak Prokarem

Ngakchiat lio Zawtkhamnak lei siichunhnak Prokarem kan tuahmi cu minkhumhnak aa tuahmi siisaya/ma pawl nih tuahpiak a si. Brimbank a kenkip hmun pawl ah zawtkhamnak lei siichunhnak punghmaan in tuah peng a si.

Na fa cu ramdang ah khamnak sii a rak ichunh cang ahcun, Australia nih tuah a herh tiah a ruahmi tlinh dingah an zawtkhamnak lei siichunhmi kong tialmi zohfel dingah a fial khawh. 

Hi kong tial piakmi le ‘prokarem ah itel’ timi cu na siibawi (GP) asilole appointment laaknak hmangin Council sin in na hal khawh.

Hmunkhat tonnak pawl le bawmhmi hmunkhat tonnak pawl

Hmunkhat tonnak cu punghmaan a si lomi tonpumhnak a si i cuka ahcun nule, pale, pipule, zohkhenhtu pawl, ngakchia pawl le nau no pawl zalong tein tonnak hmunhma a si. Nangmah le na fa caah aa tlak dingmi tonnak kawl dingah, zaangfahnak in pehtlaihnak hung kan tuah.

Tualleng sianginn i minpeknak

Victoria i a ummi ngakchia pawl dihlak nih sianginn an kai hlaan kum chung zarh fatin suimilam 15 tualleng sianginn an kai kho – an kai kum chung 30 Vaupi (April) hlaan kum 4 an tling.

Hi website ah na fa tualleng sianginn a kainak ding minkhumhnak na tuah khawh. Na fa minkhumh tuahnak ah bawmh na herh ahcun, zaangfahnak in pehtlaihnak hung kan tuah.

Acunglei bik ah kir than


Mino riantuanpiaknak

Brimbank Mino Riantuannakpiaknak cu Brimbank i a um, rian a tuan, ca a cawng asilole hawikomhnak a ngeimi mino kum 10-25 he rian a tuan i fimcawnnak, ngandamnak le himnak, hrimhthannak le rian lei cawlcanghnak pawl ah itel dingin an bawmh hna.

Thawngthanhmi tamdeuh hmuhnak caah, zaangfahnak in pehtlaihnak hung kan tuah.

Acunglei bik ah kir than


Kumkhua upa pawl caah riantuanpiaknak pawl

Kumkhua upa pawl mibu sin ah thawng ngai in an um pengnak ding le a zaa longmi nunnak ngeih peng ding bawmhnak cu rawl pawl chanhnak, inn zohkhenhnak le inn zohkhenhnak lei riantuanpiaknak hmangin bawmhnak lei riantuanpiaknak kan pek.

Thawngthanhmi tamdeuh hmuhnak caah, zaangfahnak in pehtlaihnak hung kan tuah.

Brimbank Mibu Minkhumh tuahnak

Brimbank ah na um i kum 50 acung minung na si asilole pumtlinglo na si ahcun, na dam konak fehter dingah punghmaan fon chawnhmi pawl ngahnak ding  le poipang ton sualnak caah ID kat ngeih dingah Brimbank Mibu Minkhumh tuahnak ah naa tel kho.

Itelnak cu manlo a si i riantuanpiaknak u a thlithup a si i a himmi a si.

Thawngthanhmi tamdeuh hmuhnak caah, pehtlaihnak hung kan tuah.

Acunglei bik ah kir than


Thil dawh serthiamnak lei le nunphung lei prokarem pawl

Kan mibu le thil dawh serthiamnak hmun pawl, innpa inn pawl le Bowery Baisakup zung, St Albans ah kaupi a huapmi thil dawh serthiamnak lei le nunphung lei prokarem kan tuahmi a um.

Thawngthanhmi tamdeuh cu Tuaktaan thiammi Brimbank website ah hmuh khawh a si, asilole zaangfahnak in pehtlaihnak hung kan tuah.

Acunglei bik ah kir than


Pangpar dum pawl, lentecelhnak tual pawl, Ichawhnak le saikal lam pawl

Kan pangpar dum pawl, lentecelhnak tual pawl, ichawhnak le saikal lam pawl cu inuamh dingah aho paoh caah hung an si.

Kan pangpar dum tampi nih zapi sa-emnak pawl, eksisai tuahnak thilthuam le ek-inn an ngei hna.

Hi website ah thawngthanhmi tamdeuh na hmuh khawh lai.

Acunglei bik ah kir than


Dinhnak hmun pawl, lentecelhnak le hrimhthannak hmunhma pawl

Tilionak tili pawl, aphu in takpum dawhnak lei tuahnak le ciim tuahnak luh dingah Sunshine Leisure Centre asilole Brimbank Aquatic le Wellness Centre (hunnak 2022) ah itel.

Keilor Basketball Netball certual ah basketball, netball asilole volleyball naa celh khawh.

Mah umnak i lentecelh phu pawl nih hman dingah Khuapi a kenkip ah Council nih lentecelhnak thilri le hmunhma tampi a pek fawn. Chungtel thar pawl cu don an si.

Tamdeuh hmuhnak dingah, zaangfahnak in pehtlaihnak hung kan tuah.

Acunglei bik ah kir than


Timhtuahnak le sersiamnak lei onhnak pawl

Na thilri kha thencheu, inn kha sersiam, sauh asilole hrawh na duh ahcun, timhtuahnak le sersiamnak lei onhnak na herh men lai.

Thawngthanhmi tamdeuh hmuhnak caah, zaangfahnak in pehtlaihnak hung kan tuah.

Acunglei bik ah kir than


Mah umnak lam pawl, ke in kalnak lam pawl, thilri pawl le thingkung pawl

Brimbank i mah umnak lam pawl, ke in kalnak lam pawl, thilri pawl le thingkung pawl dihlak cu Council nih a tawlrel.

Mah umnak lam pawl, ke in kalnak lam pawl, thilri pawl le thingkung he aa pehtlaimi kongka ah aa ningcang lomi na hmuh ahcun zaangfahnak in kanmah pehtlaihnak in hung kan theihter uh.

Acunglei bik ah kir than


Adang thawngthanhmi

Acunglei bik ah kir than